Plantun de Prouvènço

Pèr coumpara dos planto d'encò nostre

Ranunculus glacialis & Ranunculus aconitifolius

Ranunculus glacialis

Ranunculaceae

Noms en français : Renoncule des glaciers, Caraline.

Descripcioun :
Lou ranouncle-de-glacié trachis dins lis esboudèu e li mourreno. Douno de flour roso o blanco e se destrìo dis àutri ranunculus de mountagno bonodi si péu brun souto li sepalo. Li petalo soubron de tèms après la flourido. La planto èi proutejido sus listo roujo, categourìo LC, es à dire soucit minour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 15 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Roso
Petalo : 5
Ø (o loungour) flour : 1 à 2 cm
Flourido : Printèms - Estiéu

Sòu : Si
Autour basso e auto : 2000 à 3300 m
Aparado : Noun
Mai à avoust

Liò : Esboudèu - Mourreno
Estànci : Aupen
Couroulougi : Artico-Aupenco
Ref. sc. : Ranunculus glacialis L., 1753

Ranouncle(-di-fueio-d'acounit)

Ranunculus aconitifolius

Ranunculaceae

Nom en français : Renoncule à feuilles d'aconit.

Descripcioun :
Aquéu ranouncle trachis en mountagno sus sòu séusous. Se recounèis à si flour blanco e si fueio di proun divisado que dounon d'èr à li de l'acounit vo encaro estranglo-loup. Proche dóu ranouncle-di-fueio-de-platano se n'en destrìo majamen dóu poun de vist ecoulougi : Ranunculus aconitifolius trachis en ribo d'aigo e dins li prado à rousèu (magafourbié) alor que Ranunculus platanifolius vèn bèn dins li bos fre e li prado umido. Coumpara emé lou ranouncle-di-fueio-de-platano que ié sèmblo proun.

Usanço :
Coume tóuti li ranouncle, es uno planto empouisounanto, pamens couneissèn pas d'usanço particuliero. Escriéure au site se n'en sabès mai.

Port : Grando erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Blanco
Petalo : 5
Ø (o loungour) flour : 1,5 à 2 cm
Flourido : Printèms - Estiéu

Sòu : Si
Autour basso e auto : 200 à 2400 m
Aparado : Noun
Mai à juliet

Liò : Ribiero - Prado à rousèu
Estànci : Mountagnard à Subaupen
Couroulougi : Ouroufito-Éuroupenco
Ref. sc. : Ranunculus aconitifolius L., 1753 (= Ranunculus aconitifolius subsp. aconitifolius L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ranunculus glacialis & Ranunculus aconitifolius

ges

Coumpara Ranouncle(-de-glacié) emé uno autro planto

Coumpara Ranouncle(-di-fueio-d'acounit) emé uno autro planto